Aqtóbede zańsyz oiyn biznesimen ainalysyp, 5 aida 171 million teńgeden astam kiris túsirgen qylmystyq top múshelerine qatysty sot úkimi shyqty, dep habarlaidy "Ult aqparat".
№2 Aqtóbe qalalyq sotynda A.Ábýbákirov, Z.Ámirjanov, A.Dúimuhanova, A.Beknazarov, T.Izbaǵanbetov, J. Espambetov, A.Mataiýpov, K.Saǵyntaev, A.Tarjanov, R.Shaǵyrovqa qatysty Qylmystyq kodekstiń «Zańsyz oiyn biznesin uiymdastyrý» jáne «Uiymdasqan top, qylmystyq uiym qurý jáne olarǵa basshylyq etý, sol siiaqty olarǵa qatysý» baptary boiynsha is qaraldy. Is materialyna súiensek, sottalýshylar Aqtóbe qalasynda oiyn biznesimen zańsyz ainalysqan. Elektrondy kazino «Stavkabet.kz» JShS-niń býkmekerlik keńsesi arqyly júrgizilgen. Kassalyq kitapshadan 2018 jyldyń maýsymy men 2018 jyldyń qarasha ailary aralyǵynda 171 734 447 teńge kiris kirgeni anyqtaldy.
«Sot úkimimen A.Beknazarov, T.Izbaǵanbetov, J. Espambetov, A.Tarjanov, R.Shaǵyrov 6 jylǵa bas bostandyǵynan aiyryldy. A.Dúimuhanovanyń kámelet jasqa tolmaǵan úsh balasy bar. A.Ábýbákirov, Z.Ámirjanov, A.Mataiýpov, K.Saǵyntaev tergeý kezinde qylmystyq istiń ashylýyna úles qosyp, kinálaryn moiyndady. Olardyń da kámelet jasqa tolmaǵan balalary bar. Sot barlyǵyn eskerip, sottalýshylardy 2 jylǵa bas bostandyǵynan aiyrdy», - dep habarlady oblystyq sottyń baspasóz qyzmeti.
Sot úkimi zańdy kúshine engen joq.
