52 adammen birge órtenip ketken avtobýstyń qańqasy osydan 4-5 kún buryn Aqtóbege ákelindi. Kóliktiń saý tamtyǵy joq. Kúzetshilerdiń aitýynsha, bul jerde túnimen adamnyń únine uqsas túrli dybystar shyǵady, dep habarlaidy 31 arna.
Kúzetshiler 52 adamnyń ómirin jalmaǵan avtobýsty eles kezip júrgenin aitady.
"Jalynady, túnde sóileidi, aiqailaidy. Árýaq qalyp qoiǵan ǵoi ishinde. Túnde, bir-ekilerdiń kezinde kelińiz, kóresiz", — deidi kúzetshi.
Arna tilshileriniń aitýynsha, Shymkentten Qazanǵa jolǵa shyǵyp, jolaýshylarmen birge túgi qalmai janyp ketken avtobýstyń ishi túgili syrtyna qaraýdyń ózi qorqynyshty. Qasyna jaqyndaǵanda janyń túrshigedi. Tereze-oryndyqtar, tipti dóńgelekke deiin dym qalmaǵan. Tek qańqasy ǵana tur. Kúiiktiń iisi áli bar.
Esterińizge sala keteiik, 2018 jyldyń 18 qańtarynda Aqtóbe oblysynda jolaýshylar avtobýsynyń órtenýi saldarynan 52 adam (barlyǵy Ózbekstan azamaty) qaza bolyp, 5 adam túrli dárejedegi jaraqat aldy.
