52 اداممەن بٸرگە ٶرتەنٸپ كەتكەن اۆتوبۋستىڭ قاڭقاسى وسىدان 4-5 كٷن بۇرىن اقتٶبەگە ەكەلٸندٸ. كٶلٸكتٸڭ ساۋ تامتىعى جوق. كٷزەتشٸلەردٸڭ ايتۋىنشا, بۇل جەردە تٷنٸمەن ادامنىڭ ٷنٸنە ۇقساس تٷرلٸ دىبىستار شىعادى, دەپ حابارلايدى 31 ارنا.
كٷزەتشٸلەر 52 ادامنىڭ ٶمٸرٸن جالماعان اۆتوبۋستى ەلەس كەزٸپ جٷرگەنٸن ايتادى.
"جالىنادى, تٷندە سٶيلەيدٸ, ايقايلايدى. ەرۋاق قالىپ قويعان عوي ٸشٸندە. تٷندە, بٸر-ەكٸلەردٸڭ كەزٸندە كەلٸڭٸز, كٶرەسٸز", — دەيدٸ كٷزەتشٸ.
ارنا تٸلشٸلەرٸنٸڭ ايتۋىنشا, شىمكەنتتەن قازانعا جولعا شىعىپ, جولاۋشىلارمەن بٸرگە تٷگٸ قالماي جانىپ كەتكەن اۆتوبۋستىڭ ٸشٸ تٷگٸلٸ سىرتىنا قاراۋدىڭ ٶزٸ قورقىنىشتى. قاسىنا جاقىنداعاندا جانىڭ تٷرشٸگەدٸ. تەرەزە-ورىندىقتار, تٸپتٸ دٶڭگەلەككە دەيٸن دىم قالماعان. تەك قاڭقاسى عانا تۇر. كٷيٸكتٸڭ يٸسٸ ەلٸ بار.
ەستەرٸڭٸزگە سالا كەتەيٸك, 2018 جىلدىڭ 18 قاڭتارىندا اقتٶبە وبلىسىندا جولاۋشىلار اۆتوبۋسىنىڭ ٶرتەنۋٸ سالدارىنان 52 ادام (بارلىعى ٶزبەكستان ازاماتى) قازا بولىپ, 5 ادام تٷرلٸ دەرەجەدەگٸ جاراقات الدى.
