Aqtóbede týa bitti sal aýrýyna shaldyqqan, Daýn sindromymen aýyratyn balalardy uryp-soǵý faktisi tirkeldi. Qazir qylmystyq is qozǵalyp, tergeý bastaldy, dep habarlaidy QazAqparat.
Keshe Aqtóbe qalasy Astana aýdanynyń prokýratýrasyna №1 áleýmettik qyzmet kórsetý ortalyǵyndaǵy múmkindigi shekteýli tárbielenýshilerge (týa bitti sal aýrýy, Daýn sindromy, barlyq dárejedegi oligofreniiasy bar balalar tárbielenedi) qatysty zorlyq-zombylyq jasalǵany týraly habarlama tústi.
«Prokýrorlar dereý osy mekemege baryp, ondaǵy beinebaqylaý kamerasy arqyly ortalyq qyzmetkerleri kámeletke tolmaǵan tárbielenýshilerge qatysty birneshe ret uryp-soǵý, basqa da zorlyq-zombylyq áreketterin qoldanǵanyn anyqtady. Atalǵan fakti boiynsha aýdan prokýratýrasy Qylmystyq kodekstiń «Qinaý« baby boiynsha sotqa deiingi tergep-tekserý bastaldy. Tergeý júrgizý úshin qylmystyq is materialdary Aqtóbe qalasynyń politsiia basqarmasyna joldandy», - dep habarlady oblystyq prokýratýranyń baspasóz qyzmeti.
Qazir atalǵan derek boiynsha tergeý júrip jatyr.
