اقتٶبەدە تۋا بٸتتٸ سال اۋرۋىنا شالدىققان, داۋن سيندرومىمەن اۋىراتىن بالالاردى ۇرىپ-سوعۋ فاكتٸسٸ تٸركەلدٸ. قازٸر قىلمىستىق ٸس قوزعالىپ, تەرگەۋ باستالدى, دەپ حابارلايدى قازاقپارات.
كەشە اقتٶبە قالاسى استانا اۋدانىنىڭ پروكۋراتۋراسىنا №1 ەلەۋمەتتٸك قىزمەت كٶرسەتۋ ورتالىعىنداعى مٷمكٸندٸگٸ شەكتەۋلٸ تەربيەلەنۋشٸلەرگە (تۋا بٸتتٸ سال اۋرۋى, داۋن سيندرومى, بارلىق دەرەجەدەگٸ وليگوفرەنيياسى بار بالالار تەربيەلەنەدٸ) قاتىستى زورلىق-زومبىلىق جاسالعانى تۋرالى حابارلاما تٷستٸ.
«پروكۋرورلار دەرەۋ وسى مەكەمەگە بارىپ, ونداعى بەينەباقىلاۋ كامەراسى ارقىلى ورتالىق قىزمەتكەرلەرٸ كەمەلەتكە تولماعان تەربيەلەنۋشٸلەرگە قاتىستى بٸرنەشە رەت ۇرىپ-سوعۋ, باسقا دا زورلىق-زومبىلىق ەرەكەتتەرٸن قولدانعانىن انىقتادى. اتالعان فاكتٸ بويىنشا اۋدان پروكۋراتۋراسى قىلمىستىق كودەكستٸڭ «قيناۋ« بابى بويىنشا سوتقا دەيٸنگٸ تەرگەپ-تەكسەرۋ باستالدى. تەرگەۋ جٷرگٸزۋ ٷشٸن قىلمىستىق ٸس ماتەريالدارى اقتٶبە قالاسىنىڭ پوليتسييا باسقارماسىنا جولداندى», - دەپ حابارلادى وبلىستىق پروكۋراتۋرانىڭ باسپاسٶز قىزمەتٸ.
قازٸر اتالعان دەرەك بويىنشا تەرگەۋ جٷرٸپ جاتىر.
