Aqtóbe qalasyndaǵy mektepterdiń birinde oqityn oqýshy qyzǵa seksýaldyq zorlyq-zombylyq kórsetken kúdikti izdestirilip jatyr, dep habarlaidy "Ult aqparat".
Birqatar BAQ-ta jariialanǵan málimetke súiensek, oqiǵa 12 jeltoqsan kúni tús mezgilinde boldy. Belgisiz er adam 9 jasar oqýshy qyzdy óz páterine aldap kirgizip, zorlaǵan. Politsiia qyzmetkerleri qazir temirjol vokzaly mańyn baqylaýǵa alǵan.
«Politsiia qyzmetkerleri kámeletke tolmaǵan balaǵa qatysty aýyr qylmys jasaǵan kúdiktini anyqtaý jáne ustaý boiynsha jedel izdestirý sharalaryn júrgizip jatyr. Sotqa deiingi tergeý amaldary bastaldy. Atalǵan qylmysty ashýǵa, sondai-aq oǵan qatysy bar kúdikti azamatty ustaýǵa baǵyttalǵan jedel-tergeý is-sharalaryn Aqtóbe oblysy Politsiia departamentiniń bastyǵynyń ózi basqardy. Oǵan qosa tájiribeli qyzmetkerler tartyldy», - dep habarlandy oblystyq Politsiia departamentiniń áleýmettik jelidegi resmi paraqshasynda.
