Aqtóbede kámelet jasqa tolmaǵan balalar arasynda tóbeles bolyp, olardyń bireýi kóz jumyp, taǵy ekeýi pyshaq jaraqatyn aldy, dep habarlaidy "Ult aqparat".
«Tóbeles kezinde bir bala kóz jumyp, qalǵan ekeýi pyshaq jaraqatyn alǵan. Qazirgi ýaqytta kúdikti qolǵa tústi. Atalǵan fakti boiynsha Qylmystyq kodekstiń 99 -baby 2-tarmaǵynyń 1, 7, 9, 14 bólimderi boiynsha sotqa deiingi tergeý amaldary júrgizilip jatyr», - dedi oblystyq PD baspasóz qyzmetiniń jetekshisi Erbolat Sarqulov.
Aita keteiik, oqiǵa 10 qarasha kúni bolǵan. Mektepterde qazir ata-analarmen jinalys ótkizilip jatyr. «Ol 10 synyp oqýshysy. Jaqsy oqydy, sportpen shuǵyldandy. Tórt balanyń úlkeni. Úlgili oqýshymyz sýretti jaqsy saldy, jaýapkershiligi joǵary. 10 qarasha kúni keshkilik balalardyń jinalǵanyn politsiia habarlady, az ýaqyttan soń kóz jumǵanyn aitty. Tóbelestiń Zarechnyi aýylynda bolǵanyn estidik», - dedi mekteptiń tárbie isi jónindegi orynbasary Janat Erkebaeva.
Týystary bul jaǵdaidy baqylaýǵa alyp, ádil sot sheshimin shyǵarýdy surady.
«Jastarymyz tóbelesip, bir-birin mertikterip jatyr. Olar pyshaqpen, qarýmen júretin boldy. Bir otbasy osylai ańyrap qaldy. Bul Aqtóbedegi birinshi jaǵdai emes. Oqýshylar, stýdentter ózara tóbelesip ketti. Jaqsy balamyzdan aiyrylyp qaldyq, ol bolashaǵynan kóp úmit kúttiretin edi» - dedi kóz jumǵan oqýshynyń naǵashysy Baqtyly Elekeshova.
