اقتٶبەدە كەمەلەت جاسقا تولماعان بالالار اراسىندا تٶبەلەس بولىپ, ولاردىڭ بٸرەۋٸ كٶز جۇمىپ, تاعى ەكەۋٸ پىشاق جاراقاتىن الدى, دەپ حابارلايدى "ۇلت اقپارات".
«تٶبەلەس كەزٸندە بٸر بالا كٶز جۇمىپ, قالعان ەكەۋٸ پىشاق جاراقاتىن العان. قازٸرگٸ ۋاقىتتا كٷدٸكتٸ قولعا تٷستٸ. اتالعان فاكتٸ بويىنشا قىلمىستىق كودەكستٸڭ 99 -بابى 2-تارماعىنىڭ 1, 7, 9, 14 بٶلٸمدەرٸ بويىنشا سوتقا دەيٸنگٸ تەرگەۋ امالدارى جٷرگٸزٸلٸپ جاتىر», - دەدٸ وبلىستىق پد باسپاسٶز قىزمەتٸنٸڭ جەتەكشٸسٸ ەربولات سارقۇلوۆ.
ايتا كەتەيٸك, وقيعا 10 قاراشا كٷنٸ بولعان. مەكتەپتەردە قازٸر اتا-انالارمەن جينالىس ٶتكٸزٸلٸپ جاتىر. «ول 10 سىنىپ وقۋشىسى. جاقسى وقىدى, سپورتپەن شۇعىلداندى. تٶرت بالانىڭ ٷلكەنٸ. ٷلگٸلٸ وقۋشىمىز سۋرەتتٸ جاقسى سالدى, جاۋاپكەرشٸلٸگٸ جوعارى. 10 قاراشا كٷنٸ كەشكٸلٸك بالالاردىڭ جينالعانىن پوليتسييا حابارلادى, از ۋاقىتتان سوڭ كٶز جۇمعانىن ايتتى. تٶبەلەستٸڭ زارەچنىي اۋىلىندا بولعانىن ەستٸدٸك», - دەدٸ مەكتەپتٸڭ تەربيە ٸسٸ جٶنٸندەگٸ ورىنباسارى جانات ەركەباەۆا.
تۋىستارى بۇل جاعدايدى باقىلاۋعا الىپ, ەدٸل سوت شەشٸمٸن شىعارۋدى سۇرادى.
«جاستارىمىز تٶبەلەسٸپ, بٸر-بٸرٸن مەرتٸكتەرٸپ جاتىر. ولار پىشاقپەن, قارۋمەن جٷرەتٸن بولدى. بٸر وتباسى وسىلاي اڭىراپ قالدى. بۇل اقتٶبەدەگٸ بٸرٸنشٸ جاعداي ەمەس. وقۋشىلار, ستۋدەنتتەر ٶزارا تٶبەلەسٸپ كەتتٸ. جاقسى بالامىزدان ايىرىلىپ قالدىق, ول بولاشاعىنان كٶپ ٷمٸت كٷتتٸرەتٸن ەدٸ» - دەدٸ كٶز جۇمعان وقۋشىنىڭ ناعاشىسى باقتىلى ەلەكەشوۆا.
