Aqtóbe oblysy boiynsha 1200-den astam adam ókpeniń qabynýy dertimen aýrýhanaǵa túsken. Qazir óńirde qosymsha statsionar daiyndalyp jatyr, dep habarlaidy "Ult aqparat".
«Ókpeniń qabynýy derti 15 maýsymnan bastap kóp tirkeldi. Maýsym aiynyń alǵashqy aptasynan beri naýqastar sany 6 ese ósken. Naýqastar úshin aýrýhanalardyń bári daiyndaldy. Qazir týberkýlezge qarsy dispanserge dezinfektsiia jasalyp, onda jatqan adamdardyń keibiri úiine shyǵaryldy. Al 55 adam Temir aýdany dispanserine jiberildi. Olarǵa qajetti dárigerler de aýdanǵa baryp, em júrgizedi. Ózge dárigerler jumysyn jalǵastyrady. Dispanser erteń qabyldaýdy bastaidy. Munda 400 kereýet bar», - dedi oblystyq densaýlyq saqtaý basqarmasy basshysynyń mindetin atqarýshy Svetlana Esenamanova.
Aita keteiik, buǵan deiin ókpeniń qabynýy dertinen 18 adam kóz jumdy.
Sońǵy táýlikte taǵy 4 adam qaitys boldy.
Qazir 10 adam jasandy tynys alý apparatyna qosylǵan.
