Aqtóbede oqýshy sany 300-den aspaityn 244 mekteptiń oqýshylary dástúrli formatta bilim alyp jatyr. Al 161 oqý mekemesinde oqýshylar aralas formatqa kóshti, dep habarlaidy "Ult aqparat".
Aqtóbede keibir oqýshylar bir jyl boiy onlain dáris alyp, búgin alǵash ret partaǵa qaita otyrdy. Jalpy oblys boiynsha oqýshy sany 300-den aspaityn 244 mektepte oqý dátúrli túrde bastaldy. Taǵy 161 mektepte oqý aralas formatta júredi. Al Aqtóbe qalasyndaǵy úsh aýysymdy 7 mektepte oqý onlain júrgiziledi. Munda 9 jáne 11, 1-5 synyp oqýshylary mektepke baryp júr.
«Búgin birinshi aýysymda bilim alatyn oqýshylardyń 90 paiyzdan astamy mektepke keldi. Degenmen balasy úshin alańdap, mektepke jibergisi kelmeitin ata-analar da bar. Oblystyń bas sanitarlyq dárigeriniń qaýlysy negizinde kezdesken máselege toqtalǵym keledi. Synypty ekige bólip, onlain nemese offlain ótkizý qarastyrylmaǵan. Oǵan múmkindik joq. Eger ata-analar ózara kelisip, bir oqý úlgisin tańdasa, biz ruqsat etemiz. Máselen, 25 oqýshy qashyqtan oqýdy jón kórse, kelisemiz. Bilim basqarmasy balalardyń mektepke kelýin quptaidy. Sanitariialyq norma túgel saqtalady. Balalar qosymsha bilim alyp, 11 mamyr men 19 maýsym aralyǵynda ótken taqyryptar qaita pysyqtalady», - dedi oblystyq Bilim basqarmasynyń basshysy Joldas Batyrhan.
Aita keteiik, qyrkúiek aiynan beri oblysta 509 oqýshy, 147 muǵalim koronavirýs infektsiiasyn juqtyrǵan. Qazir barlyǵy 70 bala dárigerler baqylaýynda. Al 7 bala statsionarlyq em qabyldap jatyr. Olardyń jaǵdaiy jeńil jáne ortasha aýyr.
