Aqtóbede nesielik amnistiiaǵa kómektesemin dep turǵyndardy aldaǵan áiel ustaldy. Bul týraly Aqtóbedegi Almaty aýdanynyń prokýrory Jasulan Dáýlembaev málimdedi, - dep habarlaidy Tengrinews.kz.
"Aqtóbe qalasy Almaty aýdanynyń prokýratýrasy Aqtóbe turǵynyna qatysty negizgi is júrgizý sheshimderin kelisti. Ol nesielik amnistiia týraly jalǵan aqparat taratyp, kreditti tolyq keshirtýge kómek kórsetemin dep ýáde berip, eki áieldi kredit alýǵa kóndirip, járdem kórsetkeni úshin alynǵan kredit somasynyń 40 paiyzyn alǵan.
Nesie alý úshin áiel jábirlenýshilerdi Qaraǵandyǵa shaqyrǵan. Jábirlenýshilerdiń árqaisysy bir kúnde bes bankten 10 million teńgeden asa somaǵa nesie alǵan", - dep habarlady Dáýlembaev Facebook-te.
Arada birer ai ótken soń eshkimniń nesiesi keshirilmeitini belgili bolǵan soń, jábirlenýshiler politsiiaǵa júgingen.
