اقتٶبەدە نەسيەلٸك امنيستيياعا كٶمەكتەسەمٸن دەپ تۇرعىنداردى الداعان ەيەل ۇستالدى. بۇل تۋرالى اقتٶبەدەگٸ الماتى اۋدانىنىڭ پروكۋرورى جاسۇلان دەۋلەمباەۆ مەلٸمدەدٸ, - دەپ حابارلايدى Tengrinews.kz.
"اقتٶبە قالاسى الماتى اۋدانىنىڭ پروكۋراتۋراسى اقتٶبە تۇرعىنىنا قاتىستى نەگٸزگٸ ٸس جٷرگٸزۋ شەشٸمدەرٸن كەلٸستٸ. ول نەسيەلٸك امنيستييا تۋرالى جالعان اقپارات تاراتىپ, كرەديتتٸ تولىق كەشٸرتۋگە كٶمەك كٶرسەتەمٸن دەپ ۋەدە بەرٸپ, ەكٸ ەيەلدٸ كرەديت الۋعا كٶندٸرٸپ, جەردەم كٶرسەتكەنٸ ٷشٸن الىنعان كرەديت سوماسىنىڭ 40 پايىزىن العان.
نەسيە الۋ ٷشٸن ەيەل جەبٸرلەنۋشٸلەردٸ قاراعاندىعا شاقىرعان. جەبٸرلەنۋشٸلەردٸڭ ەرقايسىسى بٸر كٷندە بەس بانكتەن 10 ميلليون تەڭگەدەن اسا سوماعا نەسيە العان", - دەپ حابارلادى دەۋلەمباەۆ Facebook-تە.
ارادا بٸرەر اي ٶتكەن سوڭ ەشكٸمنٸڭ نەسيەسٸ كەشٸرٸلمەيتٸنٸ بەلگٸلٸ بولعان سوڭ, جەبٸرلەنۋشٸلەر پوليتسيياعا جٷگٸنگەن.
