Aqtóbede eshkimge qaýip tónip turǵan joq, dep habarlaidy "Ult aqparat" oblys ákiminiń baspasóz hatshysy Ǵani Jápishevke silteme jasap.
Onyń aitýynsha, aqparat taratqanda tek resmi málimetterge júgingen jón.
«Iá, indet juqtyrǵan bir adam anyqtalǵany ras. Biraq óńirdegi barlyq jaǵdai tolyq baqylaýda. Naýqas karantinde. Turǵyndarǵa tónip turǵan qaýip joq. Qalǵan málimetterdi erteń tańerteńgi brifingte habarlaimyz», - dep jazdy Ǵani Ótepbaiuly Facebook paraqshasynda.
Aita keteiik, erteńgi brifing jergilikti ýaqyt boiynsha saǵat 9:00 de ótedi. Oblystyq ákimdik paraqshasynan bólek Habar 24 telearnasynan da tikelei efirde kórsetiledi.
«Dúrbeleńge salyp, jaǵdaidy ýshyqtyrmańyzdar. Jalǵan aqparat taratqan adamdarǵa jaza qoldanylatynyn umytpaiyq», - dep eskertedi Aqtóbe oblysy ákiminiń baspasóz hatshysy.
Eske sala keteiik, búgingi tańda Qazaqstanda 59 adam koronavirýs juqtyrǵan. Onyń ishinde Nur-Sultanda – 31, Almatyda – 24, Qaraǵandyda – 2, Almaty oblysynda - 1, Aqtóbe oblysynda 1 jaǵdai tirkeldi.
