اقتٶبەدە ەشكٸمگە قاۋٸپ تٶنٸپ تۇرعان جوق, دەپ حابارلايدى "ۇلت اقپارات" وبلىس ەكٸمٸنٸڭ باسپاسٶز حاتشىسى عاني جەپٸشەۆكە سٸلتەمە جاساپ.
ونىڭ ايتۋىنشا, اقپارات تاراتقاندا تەك رەسمي مەلٸمەتتەرگە جٷگٸنگەن جٶن.
«يە, ٸندەت جۇقتىرعان بٸر ادام انىقتالعانى راس. بٸراق ٶڭٸردەگٸ بارلىق جاعداي تولىق باقىلاۋدا. ناۋقاس كارانتيندە. تۇرعىندارعا تٶنٸپ تۇرعان قاۋٸپ جوق. قالعان مەلٸمەتتەردٸ ەرتەڭ تاڭەرتەڭگٸ بريفينگتە حابارلايمىز», - دەپ جازدى عاني ٶتەپبايۇلى Facebook پاراقشاسىندا.
ايتا كەتەيٸك, ەرتەڭگٸ بريفينگ جەرگٸلٸكتٸ ۋاقىت بويىنشا ساعات 9:00 دە ٶتەدٸ. وبلىستىق ەكٸمدٸك پاراقشاسىنان بٶلەك حابار 24 تەلەارناسىنان دا تٸكەلەي ەفيردە كٶرسەتٸلەدٸ.
«دٷربەلەڭگە سالىپ, جاعدايدى ۋشىقتىرماڭىزدار. جالعان اقپارات تاراتقان ادامدارعا جازا قولدانىلاتىنىن ۇمىتپايىق», - دەپ ەسكەرتەدٸ اقتٶبە وبلىسى ەكٸمٸنٸڭ باسپاسٶز حاتشىسى.
ەسكە سالا كەتەيٸك, بٷگٸنگٸ تاڭدا قازاقستاندا 59 ادام كوروناۆيرۋس جۇقتىرعان. ونىڭ ٸشٸندە نۇر-سۇلتاندا – 31, الماتىدا – 24, قاراعاندىدا – 2, الماتى وبلىسىندا - 1, اقتٶبە وبلىسىندا 1 جاعداي تٸركەلدٸ.
