«Jasyl» aimaqtaǵy Aqtóbe oblysynda bir táýlikte 21 adamnan koronavirýs anyqtaldy. Epidemiolog mamandar saqtyq sharasyn kúsheitýdi surady, dep habarlaidy "Ult aqparat".
Ótken táýlikte óńirde koronavirýs infektsiiasyna shaldyqqan adamdar sany kúrt artty. Barlyǵy 21 jaǵdai tirkeldi. Dertke shaldyqqandar — Aqtóbe qalasy, Mártók, Muǵaljar aýdandarynyń turǵyndary. Dárigerler olarmen jaqyn qarym-qatynasta bolǵan taǵy 20-dan astam adamdy baqylaýǵa alǵan.
«Aqtóbe oblysynda 108 naýqas em qabyldap jatyr. Onyń ishinde 37 naýqas infektsiialyq statsionarda. Barlyǵy 9 naýqas jansaqtaý bóliminde bolsa, onyń bireýi ókpeni jasandy jeldetý apparatyna qosylǵan. Aýrý belgileri anyqtalǵan jaǵdaida birden ýchaskelik dárigerge habarlasý kerek. Óz betimen emdelýge bolmaidy», - dedi Aqtóbe oblystyq densaýlyq saqtaý basqarmasy basshysynyń orynbasary Bekbolat Izbasarov.
Aqtóbede taǵy 60 adam karantinde jatyr. Epidemiolog mamandardyń aitýynsha, óńirde ósim bar. Sondyqtan araqashyqtyty saqtap, maska taǵyp, antisektikti qoldanyp júrgen durys.
«Batys Qazaqstan, Atyraý oblystarynda koronavirýs juqtyrǵandar sany kóp. Sońǵy táýlikte Aqtóbede de ósti. Kóp adam jinalatyn orynǵa barmaǵan jón. Ǵimarat ishinde, qoǵamdyq kólikte maska taqqan durys», - dedi oblystyq sanitarlyq-epidemiologiialyq baqylaý departamenti basshynyń orynbasary Muhtar Serbaev.
