«جاسىل» ايماقتاعى اقتٶبە وبلىسىندا بٸر تەۋلٸكتە 21 ادامنان كوروناۆيرۋس انىقتالدى. ەپيدەميولوگ ماماندار ساقتىق شاراسىن كٷشەيتۋدٸ سۇرادى, دەپ حابارلايدى "ۇلت اقپارات".
ٶتكەن تەۋلٸكتە ٶڭٸردە كوروناۆيرۋس ينفەكتسيياسىنا شالدىققان ادامدار سانى كٷرت ارتتى. بارلىعى 21 جاعداي تٸركەلدٸ. دەرتكە شالدىققاندار — اقتٶبە قالاسى, مەرتٶك, مۇعالجار اۋداندارىنىڭ تۇرعىندارى. دەرٸگەرلەر ولارمەن جاقىن قارىم-قاتىناستا بولعان تاعى 20-دان استام ادامدى باقىلاۋعا العان.
«اقتٶبە وبلىسىندا 108 ناۋقاس ەم قابىلداپ جاتىر. ونىڭ ٸشٸندە 37 ناۋقاس ينفەكتسييالىق ستاتسيوناردا. بارلىعى 9 ناۋقاس جانساقتاۋ بٶلٸمٸندە بولسا, ونىڭ بٸرەۋٸ ٶكپەنٸ جاساندى جەلدەتۋ اپپاراتىنا قوسىلعان. اۋرۋ بەلگٸلەرٸ انىقتالعان جاعدايدا بٸردەن ۋچاسكەلٸك دەرٸگەرگە حابارلاسۋ كەرەك. ٶز بەتٸمەن ەمدەلۋگە بولمايدى», - دەدٸ اقتٶبە وبلىستىق دەنساۋلىق ساقتاۋ باسقارماسى باسشىسىنىڭ ورىنباسارى بەكبولات ٸزباساروۆ.
اقتٶبەدە تاعى 60 ادام كارانتيندە جاتىر. ەپيدەميولوگ مامانداردىڭ ايتۋىنشا, ٶڭٸردە ٶسٸم بار. سوندىقتان اراقاشىقتىتى ساقتاپ, ماسكا تاعىپ, انتيسەكتيكتٸ قولدانىپ جٷرگەن دۇرىس.
«باتىس قازاقستان, اتىراۋ وبلىستارىندا كوروناۆيرۋس جۇقتىرعاندار سانى كٶپ. سوڭعى تەۋلٸكتە اقتٶبەدە دە ٶستٸ. كٶپ ادام جينالاتىن ورىنعا بارماعان جٶن. عيمارات ٸشٸندە, قوعامدىق كٶلٸكتە ماسكا تاققان دۇرىس», - دەدٸ وبلىستىق سانيتارلىق-ەپيدەميولوگييالىق باقىلاۋ دەپارتامەنتٸ باسشىنىڭ ورىنباسارى مۇحتار سەرباەۆ.
