Aqtóbe qalasyndaǵy infektsiialyq aýrýhanada bir naýqas kóz jumdy, dep habarlaidy "Ult aqparat".
Oblystyq densaýlyq saqtaý basqarmasynyń basshysy Áset Qaliev jergilikti arnadaǵy tikelei efir kezinde koronavirýs juqtyrǵan áieldiń jaǵdaiy kúrt nasharlap, reanimatsiialyq qutqarý sharasyna qaramastan júregi toqta ǵanyn habarlady.
«Ol bar bolǵany bir táýlik infektsiialyq aýrýhanada em qabyldady. Zerthanalyq tekserý kezinde synamadan virýs anyqtalǵany ras. Biraq ol buǵan deiin de júrek-qan tamyrlary aýrýymen esepte turǵan. Palatada júregi toqtap qaldy. Birden jansaqtaý bólimine jatqyzylyp, dárigerler ómirin saqtap qalýǵa kúsh saldy. Ókinishke qarai es jimai ketti. Ol koronavirýs infektsiiasynan kóz jumǵan joq. Degenmen virýs onyń ólimine áser etti me degen suraqtyń jaýabyn komissiia sheshiminen soń aita alamyz. Komissiia quramynda Densaýlyq saqtaý ministrliginiń ókili bar», - dedi oblystyq densaýlyq saqtaý basqarmasynyń basshysy Áset Qaliev.
Sońǵy málimet boiynsha, Aqtóbe oblysynda 252 adamǵa virýs juqqan. Áset Qalievtiń sózine qaraǵanda, 63 naýqas statsionarda jatyr. Ekeýi - reanimatsiia bóliminde. Bireýiniń jaǵdaiy - óte aýyr, jasandy tynys alý apparatymen demalyp jatyr. Ekinshi naýqastyń jaǵdaiy - aýyr. Naýqastar arasynda 17 bala bar, 10-y jazylyp shyqqan.
