اقتٶبە قالاسىنداعى ينفەكتسييالىق اۋرۋحانادا بٸر ناۋقاس كٶز جۇمدى, دەپ حابارلايدى "ۇلت اقپارات".
وبلىستىق دەنساۋلىق ساقتاۋ باسقارماسىنىڭ باسشىسى ەسەت قاليەۆ جەرگٸلٸكتٸ ارناداعى تٸكەلەي ەفير كەزٸندە كوروناۆيرۋس جۇقتىرعان ەيەلدٸڭ جاعدايى كٷرت ناشارلاپ, رەانيماتسييالىق قۇتقارۋ شاراسىنا قاراماستان جٷرەگٸ توقتا عانىن حابارلادى.
«ول بار بولعانى بٸر تەۋلٸك ينفەكتسييالىق اۋرۋحانادا ەم قابىلدادى. زەرتحانالىق تەكسەرۋ كەزٸندە سىنامادان ۆيرۋس انىقتالعانى راس. بٸراق ول بۇعان دەيٸن دە جٷرەك-قان تامىرلارى اۋرۋىمەن ەسەپتە تۇرعان. پالاتادا جٷرەگٸ توقتاپ قالدى. بٸردەن جانساقتاۋ بٶلٸمٸنە جاتقىزىلىپ, دەرٸگەرلەر ٶمٸرٸن ساقتاپ قالۋعا كٷش سالدى. ٶكٸنٸشكە قاراي ەس جيماي كەتتٸ. ول كوروناۆيرۋس ينفەكتسيياسىنان كٶز جۇمعان جوق. دەگەنمەن ۆيرۋس ونىڭ ٶلٸمٸنە ەسەر ەتتٸ مە دەگەن سۇراقتىڭ جاۋابىن كوميسسييا شەشٸمٸنەن سوڭ ايتا الامىز. كوميسسييا قۇرامىندا دەنساۋلىق ساقتاۋ مينيسترلٸگٸنٸڭ ٶكٸلٸ بار», - دەدٸ وبلىستىق دەنساۋلىق ساقتاۋ باسقارماسىنىڭ باسشىسى ەسەت قاليەۆ.
سوڭعى مەلٸمەت بويىنشا, اقتٶبە وبلىسىندا 252 ادامعا ۆيرۋس جۇققان. ەسەت قاليەۆتٸڭ سٶزٸنە قاراعاندا, 63 ناۋقاس ستاتسيوناردا جاتىر. ەكەۋٸ - رەانيماتسييا بٶلٸمٸندە. بٸرەۋٸنٸڭ جاعدايى - ٶتە اۋىر, جاساندى تىنىس الۋ اپپاراتىمەن دەمالىپ جاتىر. ەكٸنشٸ ناۋقاستىڭ جاعدايى - اۋىر. ناۋقاستار اراسىندا 17 بالا بار, 10-ى جازىلىپ شىققان.
