Aqtóbede kiik atyp, múiizin kesip alǵan kúdikti ustaldy, dep habarlaidy "Ult aqparat".
Aqtóbe oblystyq politsiia departamenti 7 aqpan kúni Áiteke bi aýdanynyń Ulǵaisyn aýyly mańynda qarda júretin kólikten eki kiiktiń tutas etin tapty. Olardyń múiizin kesip alǵan.
«Jedel izdestirý jumysy kezinde qarda júretin kólik iesi anyqtaldy. Ol Áiteke bi aýdanynyń turǵynyna kóligin satyp jibergen. Al qarda júretin kólikti satyp alǵan adam tanysyna ýaqytsha bergen. Politsiia qyzmetkerleri barlyq bailanysty anyqtap, 27 jastaǵy kúdiktini qolǵa túsirdi. Ol jylqy baǵyp júrgen kezde eki kiik atyp alǵanyn jasyrmady. Keiin en daladaǵy qystaqqa qarýyn tyǵyp ketken. Al qarda júretin kóligi buzylǵan.
Qazir osy derek boiynsha Qylmystyq kodekstiń 337 babymen tergeý júrip jatyr. Kiik eti men múiizi zattai aiǵaq retinde tárkilendi. Kúdikti tergeý izoliatoryna qamaýǵa alyndy», - dedi oblystyq PD baspasóz qyzmetiniń jetekshisi Erbolat Sarqulov.
Aita keteiik, elimizde brakonerlerge qatysty zań kúsheitilgen bolatyn.
