اقتٶبەدە كيٸك اتىپ, مٷيٸزٸن كەسٸپ العان كٷدٸكتٸ ۇستالدى, دەپ حابارلايدى "ۇلت اقپارات".
اقتٶبە وبلىستىق پوليتسييا دەپارتامەنتٸ 7 اقپان كٷنٸ ەيتەكە بي اۋدانىنىڭ ۇلعايسىن اۋىلى ماڭىندا قاردا جٷرەتٸن كٶلٸكتەن ەكٸ كيٸكتٸڭ تۇتاس ەتٸن تاپتى. ولاردىڭ مٷيٸزٸن كەسٸپ العان.
«جەدەل ٸزدەستٸرۋ جۇمىسى كەزٸندە قاردا جٷرەتٸن كٶلٸك يەسٸ انىقتالدى. ول ەيتەكە بي اۋدانىنىڭ تۇرعىنىنا كٶلٸگٸن ساتىپ جٸبەرگەن. ال قاردا جٷرەتٸن كٶلٸكتٸ ساتىپ العان ادام تانىسىنا ۋاقىتشا بەرگەن. پوليتسييا قىزمەتكەرلەرٸ بارلىق بايلانىستى انىقتاپ, 27 جاستاعى كٷدٸكتٸنٸ قولعا تٷسٸردٸ. ول جىلقى باعىپ جٷرگەن كەزدە ەكٸ كيٸك اتىپ العانىن جاسىرمادى. كەيٸن ەن دالاداعى قىستاققا قارۋىن تىعىپ كەتكەن. ال قاردا جٷرەتٸن كٶلٸگٸ بۇزىلعان.
قازٸر وسى دەرەك بويىنشا قىلمىستىق كودەكستٸڭ 337 بابىمەن تەرگەۋ جٷرٸپ جاتىر. كيٸك ەتٸ مەن مٷيٸزٸ زاتتاي ايعاق رەتٸندە تەركٸلەندٸ. كٷدٸكتٸ تەرگەۋ يزولياتورىنا قاماۋعا الىندى», - دەدٸ وبلىستىق پد باسپاسٶز قىزمەتٸنٸڭ جەتەكشٸسٸ ەربولات سارقۇلوۆ.
ايتا كەتەيٸك, ەلٸمٸزدە براكونەرلەرگە قاتىستى زاڭ كٷشەيتٸلگەن بولاتىن.
