Aqtóbe qalasyndaǵy sport klýbyna karateden Qazaqstan kýbogynyń úsh dúrkin chempiony marqum Dáýlet Hairollanyń esimi berildi, dep habarlaidy "Ult aqparat".
Dáýlet Hairolla taiaýda ǵana kisi qolynan qaza tapty. Aqtóbe oblystyq politsiia departamenti jastar jinalyp, týǵan kún toilamaq bolǵan kezde eki jigit janjaldasyp, biri ekinshisin atyp tastaǵanyn habarlady. Qazir osy oqiǵaǵa qatysty qylmystyq is qozǵaldy, kúdikti ustaldy.
Al búgin karateden Qazaqstan kýbogynyń, Aziia kýbogynyń iegeri, Qazaqstan chempionatynyń jeńimpazy jattyqqan sport klýbyna onyń esimi berildi. Bul osy sport klýb tárbielenýshileri men ata-analardyń, jattyqtyrýshylar men Karate federatsiiasynyń oblystyq filialynan túsken usynys.
«Onyń maqsaty – Eýropa, álemdi baǵyndyrý edi. Jas ómiri úzilip ketti. Onyń isin shákirtteri, onyń komandasy jalǵastyrady dep oilaimyn. Barlyq ata-analarǵa «balalaryńyzǵa saq bolyńyzdar» dep aitqym keledi. Al jastarǵa «sportty súiińder» deimin. Birge bolsa, qarý qoldanbasa dep tileimin», - dedi Dáýlet Hairollanyń ákesi Tóleýbai Jaqanov.
Aita keteiik, sport klýbynda 100-den astam bala jattyǵyp júr.
