Aqtóbede «Vygodnyi Depozit» JShS-niń qarjy piramidasyna aldanyp qalǵandar ispen tanysyp jatyr, dep habarlaidy "Ult aqparat".
Aqtóbe oblystyq politsiia departamentiniń tergeý basqarmasy «Vygodnyi Depozit» JShS-niń qarjy piramidasyna qatysty qylmystyq istiń tergeý jumysyn aiaqtady. Qazirgi ýaqytta qylmystyq is materialdarymen tanysý satysynda tur.
«Jábirlenýshilerdi qylmystyq is materialdarymen tanysý úshin shaqyramyz. Ispen tanysý 30 sáýirge deiingi jalǵasady. Ol úshin Aqtóbe qalasy, aǵaiyndy Jubanovtar kóshesi, 271 «a» úii, 416-kabinet mekenjaiyna habarlasýdy suraimyz. Bailanys telefony: 936-416. Is materialyna súiensek, 2019 jyldyń qarasha aiy men 2020 jyldyń aqpan aiyna keiin kúdiktiler Aqtóbe, Atyraý, Almaty jáneAqtaý qalalarynyń aýmaǵynda «Vygodnyi Depozit» JShS-niń qarjy piramidasyn ashyp, turǵyndardyń aqshasyn zańsyz iemdengen. Sonymen qatar bólip tóleý arqyly avtokólik pen jyljymaityn múlikti qabyldaǵan», - dedi oblystyq PD baspasóz qyzmetiniń jetekshisi Erbolat Sarqulov.
Kúdiktilerge qatysty Qylmystyq kodekstiń 217-baby, III-bóligi 1,2-tarmaqtary, 262-babynyń 1,2-bólikteri boiynsha aiyp taǵyldy.
