Aqtóbede 51 jastaǵy er adam baspaldaqtan taiǵanap mert boldy, - dep habarlaidy Massaget.kz portaly "Diapazon"-ǵa silteme jasap.
Basylym málimetinshe, oqiǵa 17 qarashada tańerteńgi ýaqytta bolǵan. Qaiǵyly oqiǵa turǵyn úidegi beinebaqylaý kamerasyna túsip qalǵan. Marqumnyń kórshisi basylymǵa oqiǵa qalai bolǵanyn aityp bergen.
"Oqiǵa tańerteń bolǵan. Videodan Erlan baspaldaqpen túsip kele jatyp taiǵanap qulap túskenin kórdik", - deidi marqumnyń kórshisi Igor Snatkin.
Onyń aitýynsha, bul podezdegi baspaldaq tik bolǵan. Tek bir jaǵynda tutqasy bolǵan. Biraq ol tómen túskende tórtinshi baspaldaqtan bastalady eken. Al marqum ony ustap úlgermegen. Baspaldaqtaǵy muz tazalanbaǵan, onyń ústine, muzdan qorǵaityn japsyrmalar joq bolyp shyqqan.
"Qaiǵyly oqiǵadan keiin jedel járdem men politsiia keldi. Keshke deiin baspaldaq qan bolyp jatty. Ony eshkim jýmady. Biz PIK-ke aiyna 300-500 myń tóleimiz, biraq eshteńe istelip jatqan joq", - deidi kórshiler.
Al turǵyn úi inspektsiiasy ókilderi aýla ishindegi aýmaqtar qar men muzdan asfaltqa deiin tazalanýy tiis ekenin aitady.
"Qysta ǵimarattar ieleri men jalǵa berýshileri baspaldaqtardy, pandýstar men shatyrlardy qar men muzdan tazartýdy uiymdastyrýy kerek. Qaiǵyly jaǵdaidyń túpkilikti sebebin tergeý qorytyndysy boiynsha ishki ister organdary anyqtaityn bolady", - dedi Aqtóbe turǵyn úi inspektsiiasy ókilderi.
