اقتٶبەدە 51 جاستاعى ەر ادام باسپالداقتان تايعاناپ مەرت بولدى, - دەپ حابارلايدى Massaget.kz پورتالى "دياپازون"-عا سٸلتەمە جاساپ.
باسىلىم مەلٸمەتٸنشە, وقيعا 17 قاراشادا تاڭەرتەڭگٸ ۋاقىتتا بولعان. قايعىلى وقيعا تۇرعىن ٷيدەگٸ بەينەباقىلاۋ كامەراسىنا تٷسٸپ قالعان. مارقۇمنىڭ كٶرشٸسٸ باسىلىمعا وقيعا قالاي بولعانىن ايتىپ بەرگەن.
"وقيعا تاڭەرتەڭ بولعان. ۆيدەودان ەرلان باسپالداقپەن تٷسٸپ كەلە جاتىپ تايعاناپ قۇلاپ تٷسكەنٸن كٶردٸك", - دەيدٸ مارقۇمنىڭ كٶرشٸسٸ يگور سناتكين.
ونىڭ ايتۋىنشا, بۇل پودەزدەگٸ باسپالداق تٸك بولعان. تەك بٸر جاعىندا تۇتقاسى بولعان. بٸراق ول تٶمەن تٷسكەندە تٶرتٸنشٸ باسپالداقتان باستالادى ەكەن. ال مارقۇم ونى ۇستاپ ٷلگەرمەگەن. باسپالداقتاعى مۇز تازالانباعان, ونىڭ ٷستٸنە, مۇزدان قورعايتىن جاپسىرمالار جوق بولىپ شىققان.
"قايعىلى وقيعادان كەيٸن جەدەل جەردەم مەن پوليتسييا كەلدٸ. كەشكە دەيٸن باسپالداق قان بولىپ جاتتى. ونى ەشكٸم جۋمادى. بٸز پيك-كە ايىنا 300-500 مىڭ تٶلەيمٸز, بٸراق ەشتەڭە ٸستەلٸپ جاتقان جوق", - دەيدٸ كٶرشٸلەر.
ال تۇرعىن ٷي ينسپەكتسيياسى ٶكٸلدەرٸ اۋلا ٸشٸندەگٸ اۋماقتار قار مەن مۇزدان اسفالتقا دەيٸن تازالانۋى تيٸس ەكەنٸن ايتادى.
"قىستا عيماراتتار يەلەرٸ مەن جالعا بەرۋشٸلەرٸ باسپالداقتاردى, پاندۋستار مەن شاتىرلاردى قار مەن مۇزدان تازارتۋدى ۇيىمداستىرۋى كەرەك. قايعىلى جاعدايدىڭ تٷپكٸلٸكتٸ سەبەبٸن تەرگەۋ قورىتىندىسى بويىنشا ٸشكٸ ٸستەر ورگاندارى انىقتايتىن بولادى", - دەدٸ اقتٶبە تۇرعىن ٷي ينسپەكتسيياسى ٶكٸلدەرٸ.
