Aqtóbeniń Áiteke bi aýdanyndaǵy dala órtin sóndirý eki kúnge jalǵasty, dep habarlaidy "Ult aqparat".
Aqtóbe oblysy, Áiteke bi aýdany, Qairaqty aýyldyq okrýginde dalalyq jerde órt shyqqany týraly habarlama 7 tamyz kúni tústi. Oqiǵa ornyna aýdandyq órt sóndirý qyzmetinen 3 adam jiberildi. Sonymen birge erikti túrde 7 adam bardy. Qarabutaq orman sharýashylyǵynan da qyzmetkerler kómektesti.
«Órt 8 tamyz kúni sóndirildi. Aýdany 49 gektardy qurady. Alaida 8 tamyz kúni saǵat 11:38-de monitoring júrgizilip, ottyń qaita tutanǵany baiqaldy. Órt sóndirýge T.Júrgenov aýylynan 5, Qarabutaq aýylynan 6, Qairaqty aýylynan 34 tehnika men 72 adam jumyldyryldy. Órt sóndirý jumysy eki kúnge sozyldy. Búgin tańǵy saǵat 3:00-de tolyq sóndirildi. Dala órtiniń aýdany 15 myń gektardy qurap otyr», - dedi oblystyq TJD bastyǵy Marǵulan Amanbaev.
Ázirge órttiń shyǵý sebebi belgisiz. Adami faktor bolýy múmkin. Sonymen birge tótenshe jaǵdailar qyzmeti naizaǵaidan ot tutanýy múmkin degen nusqany da joqqa shyǵarmady.
