اقتٶبەنٸڭ ەيتەكە بي اۋدانىنداعى دالا ٶرتٸن سٶندٸرۋ ەكٸ كٷنگە جالعاستى, دەپ حابارلايدى "ۇلت اقپارات".
اقتٶبە وبلىسى, ەيتەكە بي اۋدانى, قايراقتى اۋىلدىق وكرۋگٸندە دالالىق جەردە ٶرت شىققانى تۋرالى حابارلاما 7 تامىز كٷنٸ تٷستٸ. وقيعا ورنىنا اۋداندىق ٶرت سٶندٸرۋ قىزمەتٸنەن 3 ادام جٸبەرٸلدٸ. سونىمەن بٸرگە ەرٸكتٸ تٷردە 7 ادام باردى. قارابۇتاق ورمان شارۋاشىلىعىنان دا قىزمەتكەرلەر كٶمەكتەستٸ.
«ٶرت 8 تامىز كٷنٸ سٶندٸرٸلدٸ. اۋدانى 49 گەكتاردى قۇرادى. الايدا 8 تامىز كٷنٸ ساعات 11:38-دە مونيتورينگ جٷرگٸزٸلٸپ, وتتىڭ قايتا تۇتانعانى بايقالدى. ٶرت سٶندٸرۋگە ت.جٷرگەنوۆ اۋىلىنان 5, قارابۇتاق اۋىلىنان 6, قايراقتى اۋىلىنان 34 تەحنيكا مەن 72 ادام جۇمىلدىرىلدى. ٶرت سٶندٸرۋ جۇمىسى ەكٸ كٷنگە سوزىلدى. بٷگٸن تاڭعى ساعات 3:00-دە تولىق سٶندٸرٸلدٸ. دالا ٶرتٸنٸڭ اۋدانى 15 مىڭ گەكتاردى قۇراپ وتىر», - دەدٸ وبلىستىق تجد باستىعى مارعۇلان امانباەۆ.
ەزٸرگە ٶرتتٸڭ شىعۋ سەبەبٸ بەلگٸسٸز. ادامي فاكتور بولۋى مٷمكٸن. سونىمەن بٸرگە تٶتەنشە جاعدايلار قىزمەتٸ نايزاعايدان وت تۇتانۋى مٷمكٸن دەگەن نۇسقانى دا جوققا شىعارمادى.
