Samara-Shymkent tasjolynda tórt kólik soqtyǵysty. Kólik tiegen júk kóligi joldan shyǵyp ketti, dep habarlaidy QazAqparat.
Samara-Shymkent tasjolynyń 619 shaqyrymynda 4 kólik soqtyǵysyp qaldy.
Oblystyq PD baspasóz qyzmetiniń habarlaýynsha, avtokólik tiegen «Reno» markaly júk kóliginiń júrgizýshisi, Grýziia azamaty Almaty qalasyna avtokólikterdi tasymaldaýmen ainalysady. Ol taiǵaqty eskermei dál aldynda ózi sekildi kólik tiep kele jatqan júk kóligimen soqtyǵysady. Saldarynan júk kólikteri baǵytyn ózgertip, qarsy baǵytta kele jatqan «Mersedes» markaly júk kóligimen soqtyǵysty.
«Barlyǵy tórt kólik soqtyǵysty. Jol-kólik oqiǵasy saldarynan «Mersedes» markaly júk kóliginiń júrgizýshisi túrli dene jaraqatymen Hromtaý qalasynyń ortalyq aýrýhanasyna jatqyzyldy. Jol-kólik oqiǵasy deregi boiynsha tergeý júrip jatyr»,- dedi oblystyq PD baspasóz qyzmetiniń jetekshisi Erbolat Sarqulov.
