Aqtaýda sintetikalyq esirtkini asa iri mólsherde zańsyz ainalymǵa shyǵardy degen kúdikpen eki er adam ustaldy. Arnaiy operatsiia kezinde túsirilgen video jariialandy, dep habarlaidy ult.kz.
Mańǵystaý oblysy politsiia departamentiniń málimetinshe, 2 qazanda Mańǵystaý oblysynyń politseileri ózge de quqyq qorǵaý organdarymen birlesip, esirtkiniń zańsyz ainalymyna tosqaýyl qoiǵan.
Arnaiy operatsiia Aqtaý qalasynyń 32-shaǵyn aýdanynda júrgizilgen. Nátijesinde sintetikalyq esirtkini asa iri mólsherde zańsyz satýǵa qatysy bar degen kúdikpen eki er adam ustaldy.
Tintý kezinde kúdiktilerdiń ýaqytsha turatyn jerinen sintetikalyq zat salynǵan kóptegen túiinshek, elektrondy tarazy, oraýysh materialdar jáne iske mańyzy bar ózge de zattar tabylyp, tárkilendi.
Budan bólek, politsiia qyzmetkerleri Aqtaýdyń birneshe shaǵyn aýdanyn tekserý barysynda sintetikalyq esirtki salynǵan jasyryn oryndardy — «zakladkalardy» anyqtaǵan.
Jalpy alǵanda, salmaǵy shamamen 200 gramm bolatyn sintetikalyq esirtki salynǵan 41 túiinshek tárkilendi.
Atalǵan fakti boiynsha Qylmystyq kodekstiń 297-babyna sáikes sotqa deiingi tergeý bastaldy. Kúdiktiler ýaqytsha ustaý izoliatoryna qamaldy.
Qazirgi ýaqytta politsiia oqiǵanyń barlyq mán-jaiyn anyqtap, tergeý amaldaryn júrgizip jatyr.
