Tarazda 24 jastaǵy jigit kisi qolynan qaza tapty. Qaiǵyly oqiǵa kópqabatty turǵyn úidiń aýlasynda bolǵan, dep habarlaidy ult.kz.
Kýágerlerdiń aitýynsha, birneshe adam jas jigitke pyshaq jaraqatyn salyp, oqiǵa ornynan qashyp ketken. Aýyr jaraqat alǵan azamatqa turǵyndar jedel járdem shaqyrǵanymen, dárigerler onyń ómirin saqtap qala almady.
Oqiǵa ornyna kelgen politsiia qyzmetkerleri kúdiktini kóp uzamai ustady. Ol ýaqytsha ustaý izoliatoryna qamaldy.
Jambyl oblysy politsiia departamenti bastyǵynyń orynbasary Baijan Baigeldiniń málimetinshe, atalǵan fakti boiynsha adam óltirý deregimen qylmystyq is qozǵalǵan.
«Politsiia qyzmetkerleri kúdiktini izin sýytpai ustady. Qazirgi tańda tergeý amaldary júrgizilip jatyr. Tergeý barysy departament basshylyǵynyń baqylaýynda», – dedi Baijan Baigeldi.
Qazir politseiler qylmystyń barlyq mán-jaiyn anyqtap jatyr.
