سامارا-شىمكەنت تاسجولىندا تٶرت كٶلٸك سوقتىعىستى. كٶلٸك تيەگەن جٷك كٶلٸگٸ جولدان شىعىپ كەتتٸ, دەپ حابارلايدى قازاقپارات.
سامارا-شىمكەنت تاسجولىنىڭ 619 شاقىرىمىندا 4 كٶلٸك سوقتىعىسىپ قالدى.
وبلىستىق پد باسپاسٶز قىزمەتٸنٸڭ حابارلاۋىنشا, اۆتوكٶلٸك تيەگەن «رەنو» ماركالى جٷك كٶلٸگٸنٸڭ جٷرگٸزۋشٸسٸ, گرۋزييا ازاماتى الماتى قالاسىنا اۆتوكٶلٸكتەردٸ تاسىمالداۋمەن اينالىسادى. ول تايعاقتى ەسكەرمەي دەل الدىندا ٶزٸ سەكٸلدٸ كٶلٸك تيەپ كەلە جاتقان جٷك كٶلٸگٸمەن سوقتىعىسادى. سالدارىنان جٷك كٶلٸكتەرٸ باعىتىن ٶزگەرتٸپ, قارسى باعىتتا كەلە جاتقان «مەرسەدەس» ماركالى جٷك كٶلٸگٸمەن سوقتىعىستى.
«بارلىعى تٶرت كٶلٸك سوقتىعىستى. جول-كٶلٸك وقيعاسى سالدارىنان «مەرسەدەس» ماركالى جٷك كٶلٸگٸنٸڭ جٷرگٸزۋشٸسٸ تٷرلٸ دەنە جاراقاتىمەن حرومتاۋ قالاسىنىڭ ورتالىق اۋرۋحاناسىنا جاتقىزىلدى. جول-كٶلٸك وقيعاسى دەرەگٸ بويىنشا تەرگەۋ جٷرٸپ جاتىر»,- دەدٸ وبلىستىق پد باسپاسٶز قىزمەتٸنٸڭ جەتەكشٸسٸ ەربولات سارقۇلوۆ.
