Pákistannyń soltústik-batysyndaǵy Dera-Ismail-Han aýdanynda politsiia beketiniń mańynda jankeshtilik jarylys bolyp, keminde 12 adam qaza tapty. Taǵy shamamen 35 adam jaraqat aldy, dep habarlaidy ult.kz.
Associated Press málimetinshe, jarylǵysh zat tielgen kólik jol boiyndaǵy politsiia beketine soǵylǵan. Qaza tapqandardyń basym bóligi qaýipsizdik qyzmetkerleri men oqiǵa ornyndaǵy turǵyndar bolǵan. Qurbandar arasynda eki áiel men bala da bar.
Jarylystan keiin jaralanǵandardy aýrýhanaǵa alyp bara jatqan jedel járdem kóligine de qarýly adamdar oq atqan. Saldarynan qutqarý qyzmetiniń bir qyzmetkeri qaza taýyp, taǵy eki adam jaralanǵan.
Shabýylǵa jaýapkershilikti Pákistandaǵy «Tehrik-e Taliban Pákistan» toby moinyna alǵan. El biligi bolǵan jaǵdaidy aiyptap, oqiǵaǵa bailanysty qaýipsizdik sharalaryn kúsheitken.
