پەكٸستاننىڭ سولتٷستٸك-باتىسىنداعى دەرا-يسمايل-حان اۋدانىندا پوليتسييا بەكەتٸنٸڭ ماڭىندا جانكەشتٸلٸك جارىلىس بولىپ, كەمٸندە 12 ادام قازا تاپتى. تاعى شامامەن 35 ادام جاراقات الدى, دەپ حابارلايدى ult.kz.
Associated Press مەلٸمەتٸنشە, جارىلعىش زات تيەلگەن كٶلٸك جول بويىنداعى پوليتسييا بەكەتٸنە سوعىلعان. قازا تاپقانداردىڭ باسىم بٶلٸگٸ قاۋٸپسٸزدٸك قىزمەتكەرلەرٸ مەن وقيعا ورنىنداعى تۇرعىندار بولعان. قۇرباندار اراسىندا ەكٸ ەيەل مەن بالا دا بار.
جارىلىستان كەيٸن جارالانعانداردى اۋرۋحاناعا الىپ بارا جاتقان جەدەل جەردەم كٶلٸگٸنە دە قارۋلى ادامدار وق اتقان. سالدارىنان قۇتقارۋ قىزمەتٸنٸڭ بٸر قىزمەتكەرٸ قازا تاۋىپ, تاعى ەكٸ ادام جارالانعان.
شابۋىلعا جاۋاپكەرشٸلٸكتٸ پەكٸستانداعى «تەحريك-ە تاليبان پەكٸستان» توبى موينىنا العان. ەل بيلٸگٸ بولعان جاعدايدى ايىپتاپ, وقيعاعا بايلانىستى قاۋٸپسٸزدٸك شارالارىن كٷشەيتكەن.
