Aýdanda jańa qoǵamdyq keńistikti qurar kezde ár aýmaqqa ózindik tujyrymdama men biregei kelbet berýge negizdelgen tásil engizilip jatyr. Óńirlik kommýnikatsiialar qyzmetinde aýdan ákimi osylai dedi. Osyndai jobanyń biri – Oqýshylar saraiynyń mańyndaǵy keńistikti jańartý.
«Tujyrymdamanyń negizinde ǵarysh taqyryby jatyr: aýmaqta planetalarǵa bailanysty art-nysandar men abattandyrý elementteri paida bolady. Keńistik eń aldymen balalar men otbasylarǵa baǵyttalyp, demalys pen tanymdyq fýnktsiialardy biriktiredi», – dep túsindirdi aýdan basshysy.
Taǵy bir iri joba – Ál-Farabi dańǵylyndaǵy sholý alańyn abattandyrý. Munda kógaldandyrylǵan, serýen baǵyty men demalys oryndary bar tolyqqandy qoǵamdyq keńistik qalyptastyrýdy oilastyryp jatyr.
Jańa tásildiń ereksheligi – abattandyrýdyń standartty elementter jiyntyǵynan bas tartý. Jańa keńistikter aýmaqtyń maqsaty, qorshaǵan landshaft pen turǵyndardyń paidalanýyn eskere otyryp jobalanady.
Osylaisha, mindet tek aýmaqtardy jańartýmen shektelmeidi. Sonymen qatar ózindik tanymal kelbeti bar jańa tartylys núktesi de qalyptaspaqshy.
Aýdan basshysy abattandyrý jumysy turǵyn úi kvartalynda da jalǵasyp jatqanyn aitty. «Halyq qatysatyn biýdjet» aiasynda aýdanda jalpy quny 2 mlrd teńge bolatyn 30 joba qolǵa alyndy, onyń 22-si qazirdiń ózinde aiaqtaldy. Baǵdarlamaǵa alty aýla men segiz qoǵamdyq aýmaqty abattandyrý, sondai-aq avtomatty sýarý júiesin ornatýǵa baǵyttalǵan 16 joba engen.
Almaty qalasynyń óńirlik kommýnikatsiialar qyzmeti
Almaty qalasynyń óńirlik kommýnikatsiialar qyzmeti
