24 jeltoqsanǵa qaraǵan túni Aqtóbe turǵynyn aiaýsyz soqqyǵa jyqqan bir top jigit ustalyp, qamaýǵa alyndy, dep habarlaidy politsiia departamenti.
Qylmys Aqtóbedegi 12-shi shaǵyn aýdandaǵy kóppáterli úilerdiń biriniń qasynda bolǵan.
Áleýmettik jelide jariialanǵan videoda bir top jigit qolyna túsken nárseni alyp, kóshede kele jatqan adamǵa tap beredi (jábirlenýshi Aqtóbe turǵyny kadrǵa túspei qalǵan). Buzaqylar bótelke, qurylys qoqysy, oryndyqpen de urady, birneshe márte pyshaq ta suqqan.
Video úsh minýtqa sozylady. Biraq bir top jigit aiaýsyz uryp-soǵýyn odan ári jalǵastyra bergen. Ásirese boiy uzyn jigit, pyshaq ustap, qaita-qaita jábirlenýshige tap beredi.
Oqiǵa ornyna birden patrýl jasaqtary jiberilip, jolda buzaqy toptyń eń belsendilerine baǵyttama alǵan.
"Sazdy aýmaǵy boiynsha jasaqtar… Aziat jigit, boiy shamamen 175 santimetr, qulaqshyn kigen" – dep habarlady kezekshi.
Ishki ister ministrligi bolǵan jaitty rastap, politsiianyń jedel áreketi arqasynda buzaqylardyń izin sýytpai ustalǵanyn málimdedi.
"Adam ómirine qastandyq jasaǵan kúdiktiler qolǵa túsip, ýaqytsha ustaý abaqtysyna qamaýǵa alyndy", — dep habarlady IIM baspasóz qyzmeti.
Kóptegen pyshaq jaraqatyn alyp, densaýlyǵyna aýyr ziian kelgen qala turǵyny jaqyn mańdaǵy aýrýhananyń jansaqtaý bólimine jetkizilgen. Dárigerler onyń ómirine arasha túsýde.
