Aqtóbede jazǵy demalysta tegin lagerge baryp, dini kitap taratqan uiym izdestirilip jatyr, dep habarlaidy "Ult aqparat".
Oqýshylardyń biri jazǵy demalysta tegin lagerge barǵanymen onyń anasy dál mekenjaiyn bilmeitin bolyp shyqty. Tek kún saiyn kólikke mingizip jiberetin bolǵan.
«Ata-ana balanyń qai jerge baryp júrgenin múlde bilmegen. Eki kún kólikke mingizip jiberip, úidiń janynan kútip alǵan. Balanyń aitýynsha, lagerde oinaǵan, tamaq ishken, sońǵy kúni kitapty paketke salyp bergen. Qazir mektep inspektory men psiholog oqýshymen áńgime júrgizip jatyr. «Nur» lageri ekenin biledi. Oqiǵa maýsym aiynda, demalys kezinde bolǵan. Taiaýda otaǵasy qaitys bolyp, kitapty molda kórip qalǵan. Áleýmettik jelige salyp jibergen de solar. Bizdiń mekteptiń basqa oqýshysynan mundai oqiǵa estimedik», - dedi №71 orta mekteptiń direktory Laýra Doshoja.
Qazirgi ýaqytta mekteptegi ana-analar jinalysyna teolog shaqyryldy.
«Dini kitaptardyń qaida taratylǵanyn, qandai dini birlestik bergenin anyqtaimyz. Jobamen injildik-hristian baptistik uiymy dep otyrmyz. Olar 2012 jyly resmi tirkelgen», - dedi oblystyq din isteri basqarmasynyń basshysy Álimbek Turaliev.
