اقتٶبەدە جازعى دەمالىستا تەگٸن لاگەرگە بارىپ, دٸني كٸتاپ تاراتقان ۇيىم ٸزدەستٸرٸلٸپ جاتىر, دەپ حابارلايدى "ۇلت اقپارات".
وقۋشىلاردىڭ بٸرٸ جازعى دەمالىستا تەگٸن لاگەرگە بارعانىمەن ونىڭ اناسى دەل مەكەنجايىن بٸلمەيتٸن بولىپ شىقتى. تەك كٷن سايىن كٶلٸككە مٸنگٸزٸپ جٸبەرەتٸن بولعان.
«اتا-انا بالانىڭ قاي جەرگە بارىپ جٷرگەنٸن مٷلدە بٸلمەگەن. ەكٸ كٷن كٶلٸككە مٸنگٸزٸپ جٸبەرٸپ, ٷيدٸڭ جانىنان كٷتٸپ العان. بالانىڭ ايتۋىنشا, لاگەردە ويناعان, تاماق ٸشكەن, سوڭعى كٷنٸ كٸتاپتى پاكەتكە سالىپ بەرگەن. قازٸر مەكتەپ ينسپەكتورى مەن پسيحولوگ وقۋشىمەن ەڭگٸمە جٷرگٸزٸپ جاتىر. «نۇر» لاگەرٸ ەكەنٸن بٸلەدٸ. وقيعا ماۋسىم ايىندا, دەمالىس كەزٸندە بولعان. تاياۋدا وتاعاسى قايتىس بولىپ, كٸتاپتى مولدا كٶرٸپ قالعان. ەلەۋمەتتٸك جەلٸگە سالىپ جٸبەرگەن دە سولار. بٸزدٸڭ مەكتەپتٸڭ باسقا وقۋشىسىنان مۇنداي وقيعا ەستٸمەدٸك», - دەدٸ №71 ورتا مەكتەپتٸڭ ديرەكتورى لاۋرا دوسحوجا.
قازٸرگٸ ۋاقىتتا مەكتەپتەگٸ انا-انالار جينالىسىنا تەولوگ شاقىرىلدى.
«دٸني كٸتاپتاردىڭ قايدا تاراتىلعانىن, قانداي دٸني بٸرلەستٸك بەرگەنٸن انىقتايمىز. جوبامەن ٸنجٸلدٸك-حريستيان باپتيستٸك ۇيىمى دەپ وتىرمىز. ولار 2012 جىلى رەسمي تٸركەلگەن», - دەدٸ وبلىستىق دٸن ٸستەرٸ باسقارماسىنىڭ باسشىسى ەلٸمبەك تۇراليەۆ.
