Sýret: pexels.com
Aqtóbede Ana men balany qorǵaý ortalyǵynda jańa týǵan náreste qaitys bolǵany anyqtaldy, - dep habarlaidy Tengrinews.kz saity.
Bosanǵan áieldiń ózi oqiǵaǵa emdeý mekemesiniń dárigerlerin kinálady. Áiel áleýmettik jelide bosaný kezindegi qorqynyshty jaǵdaidy bólisti. Ol balasynan dárigerlerdiń biliktiliginiń joqtyǵy men ýaqytyly kómek kórsetpegeninen aiyryldym dep sanaidy.
"Olar kesar tiligin jasaý úshin operatsiia bólmesin shuǵyl túrde daiyndai bastady. Anesteziia salmas buryn men dárigerlerge birneshe ret balamnyń qozǵalǵanyn anyq sezgenimdi aittym. Sodan keiin maǵan anesteziia salyp, operatsiia jasaýǵa kiristi. Osylaisha sábiimniń qolyn syndyryp, iyq bulshyqetterin zaqymdady", - dep jazdy bosanǵan áiel.
Áieldiń sózinshe, ol esin operatsiiadan 2 saǵattan keiin jinaǵan, biraq oǵan balany birden kórsetpegen. Sebebi, jańa týǵan náreste reanimatsiiada bolǵan. Keiinirek, oǵan balany kórýge ruqsat bergen.
"Meniń balamnyń qoly synǵan, buǵanasy zaqymdalǵan, aiaqtarynda gematoma boldy. Men dárigerlerden aiaqtarynyń nege kógergenin suradym, olar maǵan "biz bilmeimiz, bala osyndai jaǵdaida týyldy" dep jaýap berdi. Keiin meni palataǵa jiberdi. Túnde eki ret balamda ishki qan ketý boldy. Maǵan qan quiýǵa qolyńyz kerek dep alyp kelgen qujatta 3870 ul týyp, boiy 56 santimetr dep jazylǵan. Al mende ul emes, qyz edi", - dep jazǵan áiel.
Balany qutqarý múmkin bolmaǵan. Áiel otbasyna jańa týǵan náresteniń ólimi týraly qorytyndy berilmegenin aityp, kináli adamdarǵa qatysty sharalar qabyldaýdy suraidy.
Aqtóbe meditsinalyq ortalyǵynyń ózinde sábidiń ólimi rastalǵan. Táýelsiz sarapshylar tartylyp, oqiǵanyń sebepteri anyqtalyp jatyr.
"Bizdi birjaqtylyq úshin kinálaýy múmkin. Bul jaǵdai bizde bolǵandyqtan, biz túpkilikti taldaý úshin táýelsiz 5 sarapshyny, iaǵni basqa klinikadan tiisti tájiribesi men mártebesi bar ginekologty jáne neonatolog dárigerdi shaqyrttyq. Olardyń pikirin tyńdaimyz. Olarǵa jańa týǵan náreste men bosanǵan áieldiń aýrý tarihy bar qujattamany berdik. Mamandar jaǵdai boiynsha óz sholýlaryn bergennen keiin, ákimshilikpen birge ishki aýdit qyzmetinde túpkilikti taldaý júrgizip, tiisti sheshim shyǵaramyz. Eger sarapshylar qandai da bir qatelik, jiberip alǵan múmkindik, taktikalyq nemese emdik qatelerdi anyqtasa, ákimshilik sharalar qabyldaidy", - dep túsindirdi Aqtóbe oblysynyń AMO meditsinalyq direktorynyń mindetin atqarýshy Zamza Hairýllina.
