سۋرەت: pexels.com
اقتٶبەدە انا مەن بالانى قورعاۋ ورتالىعىندا جاڭا تۋعان نەرەستە قايتىس بولعانى انىقتالدى, - دەپ حابارلايدى Tengrinews.kz سايتى.
بوسانعان ەيەلدٸڭ ٶزٸ وقيعاعا ەمدەۋ مەكەمەسٸنٸڭ دەرٸگەرلەرٸن كٸنەلادى. ەيەل ەلەۋمەتتٸك جەلٸدە بوسانۋ كەزٸندەگٸ قورقىنىشتى جاعدايدى بٶلٸستٸ. ول بالاسىنان دەرٸگەرلەردٸڭ بٸلٸكتٸلٸگٸنٸڭ جوقتىعى مەن ۋاقىتىلى كٶمەك كٶرسەتپەگەنٸنەن ايىرىلدىم دەپ سانايدى.
"ولار كەسار تٸلٸگٸن جاساۋ ٷشٸن وپەراتسييا بٶلمەسٸن شۇعىل تٷردە دايىنداي باستادى. انەستەزييا سالماس بۇرىن مەن دەرٸگەرلەرگە بٸرنەشە رەت بالامنىڭ قوزعالعانىن انىق سەزگەنٸمدٸ ايتتىم. سودان كەيٸن ماعان انەستەزييا سالىپ, وپەراتسييا جاساۋعا كٸرٸستٸ. وسىلايشا سەبيٸمنٸڭ قولىن سىندىرىپ, يىق بۇلشىقەتتەرٸن زاقىمدادى", - دەپ جازدى بوسانعان ەيەل.
ەيەلدٸڭ سٶزٸنشە, ول ەسٸن وپەراتسييادان 2 ساعاتتان كەيٸن جيناعان, بٸراق وعان بالانى بٸردەن كٶرسەتپەگەن. سەبەبٸ, جاڭا تۋعان نەرەستە رەانيماتسييادا بولعان. كەيٸنٸرەك, وعان بالانى كٶرۋگە رۇقسات بەرگەن.
"مەنٸڭ بالامنىڭ قولى سىنعان, بۇعاناسى زاقىمدالعان, اياقتارىندا گەماتوما بولدى. مەن دەرٸگەرلەردەن اياقتارىنىڭ نەگە كٶگەرگەنٸن سۇرادىم, ولار ماعان "بٸز بٸلمەيمٸز, بالا وسىنداي جاعدايدا تۋىلدى" دەپ جاۋاپ بەردٸ. كەيٸن مەنٸ پالاتاعا جٸبەردٸ. تٷندە ەكٸ رەت بالامدا ٸشكٸ قان كەتۋ بولدى. ماعان قان قۇيۋعا قولىڭىز كەرەك دەپ الىپ كەلگەن قۇجاتتا 3870 ۇل تۋىپ, بويى 56 سانتيمەتر دەپ جازىلعان. ال مەندە ۇل ەمەس, قىز ەدٸ", - دەپ جازعان ەيەل.
بالانى قۇتقارۋ مٷمكٸن بولماعان. ەيەل وتباسىنا جاڭا تۋعان نەرەستەنٸڭ ٶلٸمٸ تۋرالى قورىتىندى بەرٸلمەگەنٸن ايتىپ, كٸنەلٸ ادامدارعا قاتىستى شارالار قابىلداۋدى سۇرايدى.
اقتٶبە مەديتسينالىق ورتالىعىنىڭ ٶزٸندە سەبيدٸڭ ٶلٸمٸ راستالعان. تەۋەلسٸز ساراپشىلار تارتىلىپ, وقيعانىڭ سەبەپتەرٸ انىقتالىپ جاتىر.
"بٸزدٸ بٸرجاقتىلىق ٷشٸن كٸنەلاۋى مٷمكٸن. بۇل جاعداي بٸزدە بولعاندىقتان, بٸز تٷپكٸلٸكتٸ تالداۋ ٷشٸن تەۋەلسٸز 5 ساراپشىنى, ياعني باسقا كلينيكادان تيٸستٸ تەجٸريبەسٸ مەن مەرتەبەسٸ بار گينەكولوگتى جەنە نەوناتولوگ دەرٸگەردٸ شاقىرتتىق. ولاردىڭ پٸكٸرٸن تىڭدايمىز. ولارعا جاڭا تۋعان نەرەستە مەن بوسانعان ەيەلدٸڭ اۋرۋ تاريحى بار قۇجاتتامانى بەردٸك. ماماندار جاعداي بويىنشا ٶز شولۋلارىن بەرگەننەن كەيٸن, ەكٸمشٸلٸكپەن بٸرگە ٸشكٸ اۋديت قىزمەتٸندە تٷپكٸلٸكتٸ تالداۋ جٷرگٸزٸپ, تيٸستٸ شەشٸم شىعارامىز. ەگەر ساراپشىلار قانداي دا بٸر قاتەلٸك, جٸبەرٸپ العان مٷمكٸندٸك, تاكتيكالىق نەمەسە ەمدٸك قاتەلەردٸ انىقتاسا, ەكٸمشٸلٸك شارالار قابىلدايدى", - دەپ تٷسٸندٸردٸ اقتٶبە وبلىسىنىڭ امو مەديتسينالىق ديرەكتورىنىڭ مٸندەتٸن اتقارۋشى زامزا حايرۋللينا.
