Foto: KTK
Aqtóbe oblysynda júkti kelinshektiń qazasyna qatysty tergeý bastaldy. 41 jastaǵy Aijan Aiazbaevanyń otbasy ana men bala ólimine jedel járdem qyzmetkerlerin kinálaidy. Bul týraly KTK telearnasyna silteme jasap Ult.kz habarlaidy.
Rýslan Syrlybaev, kúieýi:
— Feldsherlerden. Tym jaqsy júrgen adam ǵoi. Qan qysymy 210 bolsa, ondai kúide bolmaidy. 28-i kúni kontsertimizge bardyq. Baldyzym kontsertke apardy. Feldsherlerden, sony zań talabymen sheshilgenin qalaimyn.
Rýslan osydan tórt ai buryn otbasymen kórshi Atyraý oblysynan balalarynyń oqýyna bailanysty Aqtóbege kóship kelgen. Jańa qonysy jaily bolady degen úmiti aqtalmady. Úsh apta buryn júkti kelinshegi aýyryp, jedel járdem shaqyrady. Ondaǵy mamandar qan qysymynyń kóterilgenin aityp, dári berip, egedi. Ekpeden soń jarynyń jaǵdaiy kúrt nasharlap, aýrýhanaǵa jetkizgende esinen aiyrylǵan. Eki apta komada jatyp kóz jumdy. Dúniege kelgen sábii de perzenthanada shetinep ketken.
Oblystyq densaýlyq saqtaý baqarmasyndaǵylar ana men bala ólimine qatysty tekserý júrip jatqanyn aitady. Sonyń qortyndysy boiynsha ǵana 41 jastaǵy kelinshektiń nelikten kóz jumǵany anyqtalady.
Anar Aqataeva, Aqtóbe oblysy densaýlyq saqtaý basqarmasynyń shtattan tys bas akýsher-ginekology:
— Qaraly otbasyna qaiǵyryp kóńil aitamyz. Aimaqta ana ólimi tirkelgeni ras. Qazir densaýlyq saqtaý baqarmasy tarapynan jan-jaqty tekserý júrip jatyr. Sonyń nátijesinde ǵana naqty sheshim qabyldanady. Onyń qorytyndysymen marqumnyń týystary mindetti túrde tanysady.
