فوتو: كتك
اقتٶبە وبلىسىندا جٷكتٸ كەلٸنشەكتٸڭ قازاسىنا قاتىستى تەرگەۋ باستالدى. 41 جاستاعى ايجان ايازباەۆانىڭ وتباسى انا مەن بالا ٶلٸمٸنە جەدەل جەردەم قىزمەتكەرلەرٸن كٸنەلايدى. بۇل تۋرالى كتك تەلەارناسىنا سٸلتەمە جاساپ Ult.kz حابارلايدى.
رۋسلان سىرلىباەۆ, كٷيەۋٸ:
— فەلدشەرلەردەن. تىم جاقسى جٷرگەن ادام عوي. قان قىسىمى 210 بولسا, ونداي كٷيدە بولمايدى. 28-ٸ كٷنٸ كونتسەرتٸمٸزگە باردىق. بالدىزىم كونتسەرتكە اپاردى. فەلدشەرلەردەن, سونى زاڭ تالابىمەن شەشٸلگەنٸن قالايمىن.
رۋسلان وسىدان تٶرت اي بۇرىن وتباسىمەن كٶرشٸ اتىراۋ وبلىسىنان بالالارىنىڭ وقۋىنا بايلانىستى اقتٶبەگە كٶشٸپ كەلگەن. جاڭا قونىسى جايلى بولادى دەگەن ٷمٸتٸ اقتالمادى. ٷش اپتا بۇرىن جٷكتٸ كەلٸنشەگٸ اۋىرىپ, جەدەل جەردەم شاقىرادى. ونداعى ماماندار قان قىسىمىنىڭ كٶتەرٸلگەنٸن ايتىپ, دەرٸ بەرٸپ, ەگەدٸ. ەكپەدەن سوڭ جارىنىڭ جاعدايى كٷرت ناشارلاپ, اۋرۋحاناعا جەتكٸزگەندە ەسٸنەن ايىرىلعان. ەكٸ اپتا كومادا جاتىپ كٶز جۇمدى. دٷنيەگە كەلگەن سەبيٸ دە پەرزەنتحانادا شەتٸنەپ كەتكەن.
وبلىستىق دەنساۋلىق ساقتاۋ باقارماسىنداعىلار انا مەن بالا ٶلٸمٸنە قاتىستى تەكسەرۋ جٷرٸپ جاتقانىن ايتادى. سونىڭ قورتىندىسى بويىنشا عانا 41 جاستاعى كەلٸنشەكتٸڭ نەلٸكتەن كٶز جۇمعانى انىقتالادى.
انار اقاتاەۆا, اقتٶبە وبلىسى دەنساۋلىق ساقتاۋ باسقارماسىنىڭ شتاتتان تىس باس اكۋشەر-گينەكولوگى:
— قارالى وتباسىنا قايعىرىپ كٶڭٸل ايتامىز. ايماقتا انا ٶلٸمٸ تٸركەلگەنٸ راس. قازٸر دەنساۋلىق ساقتاۋ باقارماسى تاراپىنان جان-جاقتى تەكسەرۋ جٷرٸپ جاتىر. سونىڭ نەتيجەسٸندە عانا ناقتى شەشٸم قابىلدانادى. ونىڭ قورىتىندىسىمەن مارقۇمنىڭ تۋىستارى مٸندەتتٸ تٷردە تانىسادى.
