Aqtóbede biyl órtenip ketken avtobýstyń júrgizýshileri ózderine taǵylǵan aiyptardyń eshbirimen kelispei otyr. Bul týraly baspasóz májilisinde QR Bas prokýratýrasynyń ókili Azamat Dúisembekov málimdedi, dep habarlaidy sn.kz.
"Jaýapkershilik týraly aitar bolsaq, bári de oqiǵanyń saldaryna bailanysty. Al, bul jaǵdaida saldary óte aýyr bolǵanyn bilesizder. Atalǵan jaitqa qatysty QR Qylmystyq kodeksiniń 434 baby boiynsha is qozǵalǵan. Qazirgi tańda júrgizýshilerdiń jaýapkershiligi anyqtalyp jatyr. Is tergelip bitti dep aitýǵa bolady. Qazir onymen kúdiktiler men olardyń qorǵaýshylary tanysý ústinde. Kúdiktiler ózderine taǵylǵan aiyptarmen kelispeitinderin aitty", - dedi Azamat Dúisembekov.
Onyń aitýynsha, avtobýstyń iesine qatysty da qylmystyq is qozǵalǵan. Ol qazir izdeýde eken, iaǵni oqiǵa bolǵannan keiin-aq qashyp ketken.
Eske salaiyq, atalǵan oqiǵa saldarynan Ózbekstannyń 52 azamaty tiridei janyp ketken bolatyn.
