Aqtóbede 30 jastaǵy jas ananyń óliminen soń perinataldyq ortalyqtyń bas dárigeri qyzmetinen ketti, dep habarlaidy "Ult aqparat".
30 jastaǵy Aimira Atshybaevanyń óliminen soń Aqtóbe oblystyq perinataldyq ortalyqtyń bas dárigeri Ashat Balyqov óz erkimen qyzmetinen ketti. Bul aqparatty oblystyq densaýlyq saqtaý basqarmasy basshysynyń orynbasary Bekbolat Izbasarov rastady.
Aqtóbe oblysy boiynsha biyl 7 ana ólimi tirkeldi. Onyń ekeýi oblystyq perinataldyq ortalyqta kóz jumǵan.
Eske salsaq, 17 mamyr kúni Aqtóbe oblystyq perinataldyq ortalyqta jas ana kóz jumdy. Marqumnyń týǵan-týystary, baýyrlary keshe dárigerlerdiń aldyna baryp, mán-jaidy túsindirýdi talap etti. Belgili bolǵany – kelinshek ózi bosanǵan. Keiin birden jansaqtaý bólimine tústi. Al shaqalaq din aman. Ol ákesiniń janynda.
