اقتٶبەدە 30 جاستاعى جاس انانىڭ ٶلٸمٸنەن سوڭ پەريناتالدىق ورتالىقتىڭ باس دەرٸگەرٸ قىزمەتٸنەن كەتتٸ, دەپ حابارلايدى "ۇلت اقپارات".
30 جاستاعى ايميرا اتشىباەۆانىڭ ٶلٸمٸنەن سوڭ اقتٶبە وبلىستىق پەريناتالدىق ورتالىقتىڭ باس دەرٸگەرٸ اسحات بالىقوۆ ٶز ەركٸمەن قىزمەتٸنەن كەتتٸ. بۇل اقپاراتتى وبلىستىق دەنساۋلىق ساقتاۋ باسقارماسى باسشىسىنىڭ ورىنباسارى بەكبولات ٸزباساروۆ راستادى.
اقتٶبە وبلىسى بويىنشا بيىل 7 انا ٶلٸمٸ تٸركەلدٸ. ونىڭ ەكەۋٸ وبلىستىق پەريناتالدىق ورتالىقتا كٶز جۇمعان.
ەسكە سالساق, 17 مامىر كٷنٸ اقتٶبە وبلىستىق پەريناتالدىق ورتالىقتا جاس انا كٶز جۇمدى. مارقۇمنىڭ تۋعان-تۋىستارى, باۋىرلارى كەشە دەرٸگەرلەردٸڭ الدىنا بارىپ, مەن-جايدى تٷسٸندٸرۋدٸ تالاپ ەتتٸ. بەلگٸلٸ بولعانى – كەلٸنشەك ٶزٸ بوسانعان. كەيٸن بٸردەن جانساقتاۋ بٶلٸمٸنە تٷستٸ. ال شاقالاق دٸن امان. ول ەكەسٸنٸڭ جانىندا.
