Aqtóbe oblysynda jemqorlar qaitarǵan aqsha mektep salýǵa jumsalady, - dep habarlaidy "Ult aqparat" Sybailas jemqorlyqqa qarsy is-qimyl agenttiginiń baspasóz qyzmetine silteme jasap.
Biyl qyrkúiekte Aqtóbe oblysynda sotaldy tergeý jumystarynyń qorytyndysy boiynsha aqsha jymqyrǵany úshin kináli laýazymdy tulǵalar 197 million teńge somasynda keltirilgen zalaldy ótedi.
"Oblys ákimdiginiń kelisimi boiynsha Aqtóbe oblysy Muǵaljar aýdany Qumjarǵan aýylyndaǵy mektep qurylysyn aiaqtaýǵa kórsetilgen somany paidalaný týraly sheshim qabyldandy. Qumjarǵan aýylynda mektep 2019 jylǵy qańtarda ashylyp, eski mektepte (1974 jyly salynǵan) oqyǵan 54 otbasynan shyqqan balalardyń máselesin sheshý josparlanǵan. Alaida merdiger kompaniianyń mindettemelerin oryndamaýyna jáne nemqurailylyq tanytýyna bailanysty mektep jumysy iske qosylmaǵan", - delingen habarlamada.
Qazir nysanǵa jańa merdiger tartylyp, ony aiaqtaý úshin 150 million teńge bólinedi.
Ótelgen aqshalai qarajattyń bir bóligi Aqtóbe qalasynyń aýmaǵynda elimizdegi eń iri workout alańdarynyń birin salý úshin paidalanylady. Bul balalardyń buqaralyq sportynyń damýyna serpin beredi.
Sybailas jemqorlyqqa qarsy qyzmet ókilderiniń aitýynsha, Prezidenttiń jemqorlyq quqyq buzýshylyqtar boiynsha ótelgen aqshalai qarajatqa mektep salý týraly tapsyrmasyn oryndaý boiynsha jumysty jalǵasyp jatyr.
