اقتٶبە وبلىسىندا جەمقورلار قايتارعان اقشا مەكتەپ سالۋعا جۇمسالادى, - دەپ حابارلايدى "ۇلت اقپارات" سىبايلاس جەمقورلىققا قارسى ٸس-قيمىل اگەنتتٸگٸنٸڭ باسپاسٶز قىزمەتٸنە سٸلتەمە جاساپ.
بيىل قىركٷيەكتە اقتٶبە وبلىسىندا سوتالدى تەرگەۋ جۇمىستارىنىڭ قورىتىندىسى بويىنشا اقشا جىمقىرعانى ٷشٸن كٸنەلٸ لاۋازىمدى تۇلعالار 197 ميلليون تەڭگە سوماسىندا كەلتٸرٸلگەن زالالدى ٶتەدٸ.
"وبلىس ەكٸمدٸگٸنٸڭ كەلٸسٸمٸ بويىنشا اقتٶبە وبلىسى مۇعالجار اۋدانى قۇمجارعان اۋىلىنداعى مەكتەپ قۇرىلىسىن اياقتاۋعا كٶرسەتٸلگەن سومانى پايدالانۋ تۋرالى شەشٸم قابىلداندى. قۇمجارعان اۋىلىندا مەكتەپ 2019 جىلعى قاڭتاردا اشىلىپ, ەسكٸ مەكتەپتە (1974 جىلى سالىنعان) وقىعان 54 وتباسىنان شىققان بالالاردىڭ مەسەلەسٸن شەشۋ جوسپارلانعان. الايدا مەردٸگەر كومپانييانىڭ مٸندەتتەمەلەرٸن ورىنداماۋىنا جەنە نەمقۇرايلىلىق تانىتۋىنا بايلانىستى مەكتەپ جۇمىسى ٸسكە قوسىلماعان", - دەلٸنگەن حابارلامادا.
قازٸر نىسانعا جاڭا مەردٸگەر تارتىلىپ, ونى اياقتاۋ ٷشٸن 150 ميلليون تەڭگە بٶلٸنەدٸ.
ٶتەلگەن اقشالاي قاراجاتتىڭ بٸر بٶلٸگٸ اقتٶبە قالاسىنىڭ اۋماعىندا ەلٸمٸزدەگٸ ەڭ ٸرٸ workout الاڭدارىنىڭ بٸرٸن سالۋ ٷشٸن پايدالانىلادى. بۇل بالالاردىڭ بۇقارالىق سپورتىنىڭ دامۋىنا سەرپٸن بەرەدٸ.
سىبايلاس جەمقورلىققا قارسى قىزمەت ٶكٸلدەرٸنٸڭ ايتۋىنشا, پرەزيدەنتتٸڭ جەمقورلىق قۇقىق بۇزۋشىلىقتار بويىنشا ٶتەلگەن اقشالاي قاراجاتقا مەكتەپ سالۋ تۋرالى تاپسىرماسىن ورىنداۋ بويىنشا جۇمىستى جالعاسىپ جاتىر.
