Foto: videodan skrinshot
Aqtóbe oblysynda Samara – Shymkent tasjolynda, Belqopa aýyly mańynda iri jol apaty boldy. Oqiǵa 23 qazan kúni oryn alǵan, dep habarlaidy Ult.kz.
Aldyn ala málimetter boiynsha, DAF júk kóligi qarsy baǵytqa shyǵyp, jolaýshylar mingen «GAZel» avtokóligimen soqtyǵysqan.
Politsiianyń habarlaýynsha, soqtyǵys saldarynan eki júrgizýshi men «GAZel» avtokóligindegi 10 jolaýshy oqiǵa ornynda qaza tapqan. Taǵy 5 adam túrli jaraqatpen aýrýhanaǵa jetkizildi.
Qaiǵyly oqiǵa boiynsha sotqa deiingi tergeý bastaldy. Belgili bolǵandai, «GAZel» resmi túrde Júrgenev aýylynan Aqtóbege jolaýshy tasymaldaýmen ainalysqan.
Qazirgi tańda oqiǵa ornynda politsiia men tergeý toby jumys istep jatyr. Barlyq mán-jai anyqtalýda.
Oblys ákimdiginiń málimetinshe, jaraqat alǵandar Hromtaý aýdandyq aýrýhanasyna jetkizilgen: olardyń úsheýiniń jaǵdaiy aýyr, ekeýiniń jaǵdaiy ortasha, bir adam aýrýhanaǵa jatýdan bas tartqan.
