Aqtóbe oblysynda tasyǵan sý respýblikalyq mańyzy bar joldyń bir bóligin shaiyp ketti, - dep habarlaidy "Ult aqparat" "QazAvtoJol" UK baspasóz qyzmetine silteme jasap.
"QazAvtoJol" AQ málimetinshe, 1 sáýir saǵat 17:00-de (Nur-Sultan ýaqyty boiynsha) erigen sý respýblikalyq mańyzy bar A-27 "Aqtóbe - Atyraý - RF shekarasy (Astrahanǵa)" tasjolynyń 283-shaqyrymynda, Jarly kentine jaqyn tusyndaǵy joldyń astyna tóselgen qubyrdy shaiyp ketken.
"Eroziianyń qaitalanýy - kóp mólsherdegi erigen sýǵa bailanysty. Ýchaske ýaqytsha qalpyna keltirilip, búgin Nur-Sultan ýaqyty boiynsha saǵat 1.30-dan bastap kólik qozǵalysyna shekteý alyp tastaldy", - dedi kompaniianyń baspasóz qyzmeti.
Qazir bul ýchaskede qalpyna keltirý jumystary bastalǵan.
Sý tasqynyna qatysty jaǵdaiy "QazAvtoJol" UK" AQ Aqtóbe oblystyq filialynyń erekshe baqylaýynda.
Sýret: "QazAvtoJol"
Aita keteiik, «QazAvtoJol» sý basyp ketý qaýpi bar ýchaskeler tizimi jasap, 250-den astam ýchaskeni anyqtady. Kompaniianyń ár óńirlik filialy kópir asty aimaqtardy, sý ótkizý qubyrlaryn qardan tazalap, ashyp jatyr. Sonymen birge kópir arnalaryn tazalaý, sý tasqynyn boldyrmaý úshin inertti materialdardy daiyndaý jumystary jalǵasýda.
Kún saiyn atalǵan jumystarǵa 600-ge jýyq arnaiy tehnika jáne 1 myńnan astam jol qyzmetkeri jumyldyrylýda.
