Aqtóbe oblysynda 2 myńǵa jýyq adam ókpe qabynýy dertinen emdelip jatyr. Sońǵy táýlikte 63 adam aýrýhanaǵa jetkizilgen, dep habarlaidy QazAqparat.
Pnevmoniia dertimen kúresip jatqan dárigerler de arnaiy qorǵanys kiimin kiip, únemi betperde taǵyp júredi.
«Aqtóbe oblysynda ókpe qabynýy dertine shaldyqqandar sany azaiyp keledi. Ótken táýlikte 63 adam aýrýhanaǵa jatqyzyldy. Buǵan deiin 100-ge jýyq adam táýlik saiyn emdeý oryndaryna jetkiziletin. Oblys boiynsha statsionarda 1946 adam em qabyldap jatyr. Onyń 498-i - aýdanda. 728 naýqas ambýlatoriiada», - dedi oblys ákiminiń Densaýlyq saqtaý salasy jónindegi keńesshisi Áset Qaliev.
Aita keteiik, Aqtóbe oblysy Reseiden kelgen mamandardy kútip otyr. Densaýlyq saqtaý ministrligine hat joldandy.
«Dárigerlerdi demalysqa jiberý tártibi qatań baqylaýda. Aýyryp, emdelip shyqqandar qaita jumysqa qosylyp jatyr. Qazirgi ýaqytta 100 meditsina qyzmetkeri koronavirýs infektsiiasyn juqtyrdy. Onyń 55-i - dáriger. Al 77 meditsina qyzmetkeri ókpe qabynýy dertine shaldyqty», - dedi Áset Qaliev.
