اقتٶبە وبلىسىندا 2 مىڭعا جۋىق ادام ٶكپە قابىنۋى دەرتٸنەن ەمدەلٸپ جاتىر. سوڭعى تەۋلٸكتە 63 ادام اۋرۋحاناعا جەتكٸزٸلگەن, دەپ حابارلايدى قازاقپارات.
پنەۆمونييا دەرتٸمەن كٷرەسٸپ جاتقان دەرٸگەرلەر دە ارنايى قورعانىس كيٸمٸن كيٸپ, ٷنەمٸ بەتپەردە تاعىپ جٷرەدٸ.
«اقتٶبە وبلىسىندا ٶكپە قابىنۋى دەرتٸنە شالدىققاندار سانى ازايىپ كەلەدٸ. ٶتكەن تەۋلٸكتە 63 ادام اۋرۋحاناعا جاتقىزىلدى. بۇعان دەيٸن 100-گە جۋىق ادام تەۋلٸك سايىن ەمدەۋ ورىندارىنا جەتكٸزٸلەتٸن. وبلىس بويىنشا ستاتسيوناردا 1946 ادام ەم قابىلداپ جاتىر. ونىڭ 498-ٸ - اۋداندا. 728 ناۋقاس امبۋلاتورييادا», - دەدٸ وبلىس ەكٸمٸنٸڭ دەنساۋلىق ساقتاۋ سالاسى جٶنٸندەگٸ كەڭەسشٸسٸ ەسەت قاليەۆ.
ايتا كەتەيٸك, اقتٶبە وبلىسى رەسەيدەن كەلگەن مامانداردى كٷتٸپ وتىر. دەنساۋلىق ساقتاۋ مينيسترلٸگٸنە حات جولداندى.
«دەرٸگەرلەردٸ دەمالىسقا جٸبەرۋ تەرتٸبٸ قاتاڭ باقىلاۋدا. اۋىرىپ, ەمدەلٸپ شىققاندار قايتا جۇمىسقا قوسىلىپ جاتىر. قازٸرگٸ ۋاقىتتا 100 مەديتسينا قىزمەتكەرٸ كوروناۆيرۋس ينفەكتسيياسىن جۇقتىردى. ونىڭ 55-ٸ - دەرٸگەر. ال 77 مەديتسينا قىزمەتكەرٸ ٶكپە قابىنۋى دەرتٸنە شالدىقتى», - دەدٸ ەسەت قاليەۆ.
