Aqtóbe oblysyndaǵy tas jolda qyrǵyz nomeri bar shaǵyn avtobýsqa oq atyldy, bul týraly Qyrǵyzstan SIM resmi ókili Aiymqan Kýlýkeeva Facebook paraqshasynda jazdy, - dep habarlaidy Tengrinews.kz.
Kýlýkeevanyń aitýynsha, Qyrǵyzstannyń Qazaqstandaǵy elshiligi Aqtóbe oblysyndaǵy tas jolda qyrǵyz nomeri bar shaǵyn avtobýsqa oq atylǵany týraly aqparatty tekserip jatyr.
QR SIM mamandarynyń aitýynsha, bul oqiǵanyń Aqtóbe oblysyndaǵy tas jolda 6 sáýirge qaraǵan túni bolǵany jaily aqparat kelip túsken. Aldyn ala málimet boiynsha, kólik buzylyp, júrgizýshi qosalqy bólshekter ákelýge ketken. Kelgende kólikke birneshe oqtyń tigenin jáne jolaýshynyń jaraly ekenin kórgen.
"2018 jyly 6 sáýirde shamamen saǵat 00.50-de belgisiz bireýler atys qarýymen Mercedes Benz markaly shaǵyn avtobýsynyń jolaýshylaryna qaraqshylyq shabýyl jasaǵan, kólik Aqtóbe qalasyndaǵy soltústik ainalma jolyndaǵy Aqshat aýylynyń mańynda turaqta turǵan, qaraqshylar aqshany, altyn buiymdardy qoldy qyldy", - dedi baspasóz qyzmetindegiler.
Politsiia baspasóz qyzmetindegilerdiń aitýynsha, shaǵyn avtobýs Qyrǵyzstan Respýblikasynyń azamatyna tiesili, ol Máskeýden Qyrǵyzstanǵa jol tartqan.
"Jedel járdem brigadasy zardap shekken adamdy Aqtóbeniń aýrýhanasyna jetkizdi. Qaraqshylyq shabýyl deregine qatysty sotqa deiingi tergeý bastaldy, tájiribeli qyzmetkerlerden jedel-tergeý toby quryldy. Aqtóbe oblysynyń IID jáne prokýratýrasy tergeýdi baqylaýǵa aldy", - dedi IID mamandary.
